د سفیر ژوندلیک

 ډاکټر زلمی رسول په ډیپلوماسۍ، نړیوالو چارو، حکومتوالی، او روغې جوړې کې د خورا سترو تجربو خاوند دی.  نوموړی د۲۰۱۰  کال له جنوری څخه  د ۲۰۱۳ تر اکتوبر پورې د افغانستان اسلامی جمهوریت د بهرنیو چارو د وزیر په توګه دنده ترسره کړې ده.

د بهرنیو چارو د وزیر په توګه، ډاکټر رسول په سیمه ایزه، نړیواله او څو اړخیزه کچه د هیوادونو سره د افغانستان د اړیکو په پیاوړتیا او پراختیا کې مهم رول لوبولی دی.

د نوموړی  په ​​مشرۍ، د افغانستان له ګاونډیو هیوادونو سره د سیمه ایزې همکارۍ او څو اړخیزو ادارو له لارې د پام وړ پرمختګونه شوی دی.

همدا ډول، د نوموړی د  لید لوری پر اساس، د آسیا په زړه کې – د استانبول بهیر په ۲۰۱۱ کال کې د افغانانو په مشرۍ په لاره واچول شو، چې په پایله کې د سیمه ایزې همکارۍ، یووالۍ او ملګرتیا لپاره، یو له مهمو لاسته راوړنو څخه شمیرل کیږی.

سربیره پر دې،  د افغانستان په حساسو شرایطو کې د څو اړخیزو همکاریو بیړنۍ اړتیاوو په پیژندلو سره، نوموړی د هیواد د بهرنیو اړیکو او له نړیوالو سازمانونو سره غړیتوب ته لومړیتوب ورکړ. د خپلې دندې په جریان کې، هغه د آسیا د همکاریو خبرو اترو (ACD) سره د افغانستان  پر غړیتوب خبرې وکړې او د شانګهای همکاریو په سازمان (SCO) کې د افغانستان د څارونکی غړیتوب لپاره لاره هواره کړه.

د افغانستان د بهرنیو چارو په وزارت کې، ډاکټر رسول د ملګرو ملتونو د څو اړخیزې همکارۍ  او ډله ایز ښکیلتیا   لپاره هم په ګډه کار کړی. هغه د ملګرو ملتونو د غوڼډو په جریان کې د ملګرو ملتونو دعمومی اسامبلې په شمول په لوړه کچه د افغانستان استازیتوب وکړ.  په ځانګړې توګه،  په ​​۲۰۱۱ کال کې د ملګرو ملتونو د ۶۶مې غونډې او په ۲۰۱۳ کال کې د ۶۸مې غونډې ته د افغان پلاوی مشری وکړه.

برسیره  پر دې، ډاکټر رسول په افغانستان کې د سولې، او ملت جوړونې هڅو ملاتړ لپاره د نړیوال د اجماع ساتلو او لا پراختیا لپاره نه ستړې­کیدونکی هڅې وکړې.

د یادونې وړ ده چې د هغه د نوښت له مخې د بهرنیو چارو وزارت د لومړی ځل لپاره په ۲۰۱۰  کال کې د افغانستان په اړه یو نړیوال کنفرانس چې د دغه هیواد په پلازمینه کابل کې جوړ شوی و، په لاره واچول شو.د کابل نړیوال کنفرانس چې وروسته د “کابل پروسې” پیل وبلل  شو د افغان حکومت، ملګرو ملتونو او نړیوالې ټولنې ترمنځ په درې اړخیزه ملګرتیا بدله شوه.

ډاکټر زلمی رسول د افغانستان د ملی امنیت شورا بنسټ ایښودونکی،  د ۲۰۰۲ کال له جون څخه د ۲۰۱۰ کال پورې، د افغانستان اسلامی جمهوریت د ملی امنیت سلاکار په توګه دنده ترسره کړې ده. په همدې موده کې ډاکټر رسول د افغانستان د بهرنی سیاست سره په همغږۍ کې، د اړوند حکومتی اداراتواصلاح کول او د افغان امنیتی بنسټونو د همغږۍ لپاره رغنده لاسته راوړنې لری. په دې دنده کې، نوموړی د افغانستان د ملی اردو، ملی پولیسو او د مخدره توکو پروړاندې د دفتر د رامینځته کولو په اړه یی نږدې نظارت او عملیاتی لارښوونې څیړلی. همدا راز  د یاد مسؤلیتونو په لړ کې د ملی ګواښ د ارزونې ترسره کول، د ملی امنیت پالیسی رامینځته کول او بنسټیز کول هم شامل دی.

د ملی امنیت د سلاکار په توګه د ټاکل کیدو دمخه، ډاکټر زلمی رسول په ۲۰۰۲ کال کې د ملکی هوایی چلند د وزیر په توګه ټاکل شوی و.   په دې موده کې هغه د افغانستان د هوایی چلند سکتور بیرته راژوندی کړ، چې دا کار د افغانستان غړیتوب په نړیوال ترانسپورت نړیوالې اتحادیې (IATA) او د ملکی هوایی چلند نړیوال سازمان (ICAO) کې بیرته ترلاسه کول و.  په حکومت کې د خپل عامه خدمتونو له وړاندې کولو مخکې، ډاکټر زلمی رسول د ۲۰۰۱ کال کې د بن په تاریخی کنفرانس کې د استازی په توګه مرسته وکړه او د بن له کنفرانس وروسته، د افغانستان لنډمهالې اداری په پرانیست کې د ګډون لپاره کابل ته را ستون شو.

ډاکټر زلمی رسول د مسلکی کار په لومړنیو کلونو کې، د افغانستان د ملت بابا اعلیحضرت محمد ظاهر شاه، د دفتر د رییس په توګه کار وکړ. په هیواد کې روانه شخړه، اوږده جګړه او په هیواد کې د ګڼ شمېر بې ګناهو خلکو د وژل کیدلو له کبله، بشپړه توجه یې اضطراری لویې جرګې ته – چې د ملت بابا لخوا د سیاسی جوړجاړۍ لپاره یو نوښت و- معطوف کړ. د روم د پروسې د دارالانشا په چوکات کې د هغه نه ستړې کیدونکی هڅې د افغانستان راتلونکی سیاسی لیږد ته لاره هواره کړه. نوموړی د څو لسیزو راهیسی په سوله کې د ژوند کولو لپاره د افغانانو د حقونو لپاره په سیاسی مبارزه کې او د دوی د آزادې ارادې سره سم، د خپلواکی لپاره د ډیموکراتیکو پروسو له لارې د راتلونکی ټاکلو لپاره ژور فعالیتونه کړی دی.

ډاکټر زلمی رسول په کابل کې زیږیدلی او د استقلال په عالی لیسه کې یې زده کړې کړی دی.  وروسته یې فرانسې ته سفر وکړ ترڅو د پاریس د طب په پوهنځی کې زده کړې وکړی او په ۱۹۷۳ کال کې یې د M.D (د طب ډاکټر) سند ترلاسه کړ.

نوموړی  په پښتو، دری، انګریزی، فرانسوی او ایټالوی ژبو باندې تسلط لری او په عربی ژبه کاری پوهه لری.  

همدا رنګه په اروپایی او امریکایی طبی ژورنالونو کې تر ۳۰ ډیرې خپرونې او مقالې تر څنګ د امریکا د نیفرولوژی ټولنې غړۍ هم و.

دکمه بازگشت به بالا